يا تطوان هُبِّي…ن السُّوري لبِّي

يا تطوان هبي***ن السوري لبي
هدا خاك عربي***عالم بيه ربي
م الشام جَا نْ دَراك*** يتحمى ف جوارك
بنار الحرب تكوى*** يترجى فيك نخوه
فاين كوم يا الجواد*** غيثوا هاد لولاد
صغير يبات يبكي*** من الجوع راه يشكي
وكبير نهار يجري***باش ياكل ويكري
أُسَرْ راها مهددة*** غدا د صباح مشردة
تطوان ما هو شانك*** اطنش ودانك
انت الدار الكبيرة*** انت مولات الغيرة
لا تخلي سوري يسعى*** ف مدينتك الواسعة
هول ما هول قدو***ما تمناه ن حبيب ولا عدو
حرب وهروب وغربة*** الله يمحيها كربة
قومو لله قومو*** ف بحور الخير عومو
لاجئ يطلب تعينو*** عيب عليك تهينو
اتق النار الحمرا***واقسم معاه التمره
وبدعوة كل من حاج*** ملكنا فوق راسنا تاج
ف الزعتري كان سباق***شحال من سوري عتاق
وبدعوة كل من زار النبي*** يحفظ ملكنا العلوي
وينجي بلاد المغرب*** من كيد البعيد والقريب
ويحمينا هاد البلاد*** ويبسط الخير بين العباد

يوسف الحزيمري

قد يعجبك ايضا
Loading...