الحرف جفاني: قصيدة زجلية

tetouanplus
الحرف عطاني بالجفا
خلاني حتى زولت بالحفا
عاط عطاها بالخلفا
ما عرفت ما نقدم ولا نوخر
هربو عليا بنات لفكار
وتقطع بيا شريط لخبار
ها العار الحرف لترجع
لا تخلي عيني تدمع
ومرارتي د تفقع
مال بيك يا الحرف
ماشي هايدا كنت د تعرف
في الكتابة كنت د سرف
و ن لمعاني كنت تغرّفْ
ودابا حالك ولا يخوف
قلي آش بيك يا الغالي
الحرف رد عليا بكلام عالي
قالي ياك أنا سهرت معاك الليالي
وشحال من وراق عمرنا الجديد والبالي
كتبنا شحال من معاني من خيالك وخيالي
حتى وليت أنا رجالك وانت زجالي
ولكن دابا ضياق حالي
مبقا لاش نضم في السطور عيالي
خليني كيما يقولو في هبالي
رديت عليه بحر الأنفاس
مالك يا الحرف وهاد حريق الراس
إلا رضيت بيك أنا آش الداك في الناس
آش الداك في الناس آش الداك في الناس

قد يعجبك ايضا
Loading...