الاسود

ما كاين باس وما يكون باس

منتخبنا بالصاح طلاع كلاس

جابوها الرجال وهزونا الراس 

من باب الصحرا لجنان فاس  

 

عشرين عام ما لعبنا مونديال

ما دورنا كرة ماهلل لينا هلال 

ما ربحنا بطولة ماحررنا مقال 

حتى جانا رونار ورد لينا البال  

 

جانا الخبار وهبينا كبار وعيال

للملعب حجينا باغاني وازجال

بدا اللعب فراجة انترناسيونال 

بانت الخدمة ومازال ما يتقال 

 

دراري صغار سحارا بحق ابطال

دقة دقة مثلثات مقرية بالمهال

فالحراسة منير لمحمدي لغزال

ذكرنا بايام لهزاز الزاكي وعلال

 

والدفاع منيع ما يقتحمو سلال 

المهدي و حكيمي ونبيل لمقلال 

مبارك بوصوفة لمحمدي يا خال 

بلهندة و زياش و فيصل بوفال 

 

الهجوم قوي بنشرقي فالارسال  

أمرابط وبوطيب يهزونا لحبال

فنيات عالية الرجولة و الانزال 

تشجيعات من القلب تهد لجبال 

 

ما كاين باس وما يكون باس

منتخبنا بالصاح طلاع كلاس

جابوها الرجال وهزونا الراس 

من باب الصحرا لجنان فاس    

 

الامين الادريسي 

قد يعجبك ايضا
Loading...